Majestetisk utsikt i naturskjøne omgjevnader

Hyllestad sitt landemerke, Lihesten, er som tatt ut frå eit postkort og

syner Noreg fra si aller beste side. Med ein blinkande og forlokkande fjord

i forgrunnen er det eit skue som ikkje kan samanliknast med noko anna.

Ei utsikt dei fleste av oss drøymer om å ha.

Draumen kan no bli oppfylt - velkommen til Åfjorden Salbuøyra!

Området

Åfjorden Salbuøyra ligg idyllisk til på nordsida ved Åfjorden med svært gode solforhold.

Ikkje berre får du utsikt mot majestetiske Lihesten, men også mot Sørbøvåg og havet

i vest.  Bustadane ligg i Salbuøyra byggefelt med flott utsikt. Det ligg nært butikk, båthamn og Hamnepark med sandvollyeballbane, badestrand og ein liten klatrepark. Åfjorden Salbuøyra ligg nær naturen med gode

rekreasjonsmoglegheiter som tur på oppmerka sti, flotte fjellturar og

ikkje minst god tilgang til sjø.

Fasilitetar

Åfjorden Salbuøyra ligg 1 km frå Sørbøvåg. Her finn du mellom anna butikk, frisør,

drivstoffylling, omsorgsenter, eldrebustader, kyrkje, båthamn og andre næringar.

Hyllestad sentrum ligg 10 km unna med fysioterapi, legekontor, helsestasjon, tannlege,

skule, barnehage, bibliotek, ny fleirbrukshall og andre offentlege tenester.

Åfjorden Salbuøyra ligg i eit roleg bustadfelt.

Hyllestad kommune

Hyllestad kommune har ca. 1300 innbyggjarar og ligg sentralt på nordsida og heilt ytterst i

Sognefjorden. Det er gode oppvekstvilkår i den naturskjønne bygda. I tillegg til naturen

med skog og fjell, har ein også eit aktivt kultur- og fritidstilbod med mange frivillige

organisasjonar og idrettslag. I ei lita bygd møter ein igjen mange av dei same folka på

tvers av foreningar, men det knyter også oss som bur her tettere saman. Ein fin arena

både for born og voksne.

​

Ynskjer du å vite meir om kva som skjer i Hyllestad? Besøk hyllestad.kommune.no

Nøkkelferdige bustader

Åfjorden Salbuøyra er teikna av Vårdal Arkitekter gjennom bustadkonseptet Flexibo. Bustadane er heilheitlege og gjennomtenkte med praktiske løysingar. Her kan kjøpar velje mellom 3 storleikar, ut frå kor mange soverom bustaden har. Alle alternativa er på eit plan inkludert carport, utvendig bod og terrasse på mark. Kledninga er av den vedlikeholdsvennlege typen til Møre Royal. Innvendig blir bustadene levert med ferdigmåla gips og listfrie løysingar i tak og vindauge. Bustadane vert levert med komplett kjøkken- og baderomspakke. Oppvarmingskjelde er varmefolie i golv. I tillegg vert det installert vedomn i dei to største bustadane. Det er inkludert komplett opplegg for røyrleggjar og elektrikar, med innvendige spotlights og utvendig belysning. Det vil vere mogeleg å kople seg på fiber om ynskjeleg. Alle bustadane kan også leverast med tradisjonelt saltak. Alle valg kan endrast etter avtale - også mindre estetiske valg på utvendig fasade. Åfjorden Eigedom er prosjektansvarleg og utbyggjar av Åfjorden Salbuøyra. Bustadane vert oppført etter gjeldande byggteknisk forskrift (TEK 17).

​

Pris i 2020: Frå 2 190 000,- kr.

​

TA KONTAKT FOR YTTERLEGARE INFORMASJON.

Åfjorden Eigedom kan no også tilby bustaden Kreativ Tradisjon på Salbuøyra. Kreativ Tradisjon har ei meir tradisjonell utforming med saltak. Bustadane har 1,5 etasje, så her er det mogeleg å bygge ut loftet etter kvart. Elles gjeld det same som for dei andre bustadane vi tilbyr på Salbuøyra.